بالفيديو – نجم مصري يتعرض للنصب من أحد أصدقائه ويخسر 1.9 مليون
فاجأ الفنان صبري عبد المنعم الجميع بحديثه عن تفاصيل تعرضه للنصب على يد أحد أصدقائه في الوسط الفني، وخسارته 1.9 مليون جنيه.
وأشار في مداخلة تلفزيونية ببرنامج “ملفات” إلى أنه “اللي نصب عليا واحد أعرفه من 10 سنين وبنقعد مع بعض، جيت قولتله عايز أبيع الشقة دي تحويشة 50 سنة شغل، وعشان عيالي ياخدوا الفلوس، وعملت عملية لمدة شهرين في القلب وكنت تعبان وبيجيلي ألزهايمر من حين لآخر”.
وأضاف: “بعد أسبوعين جالي وقاللي جبتلك مشتري للشقة وادتله عقود الشقة، هو شخص من الوسط ولكن غير التمثيل، ومش هقدر أكشف شخصيته عشان في تحقيقات.. وأنا عمري ما خنت حد ولا عديت فلوس ورا حد”.
وتابع: “نزلت معاهم البنك وكان الشيك بالدولار وقالولي اسأل بعد 45 يوم، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مزرية وتعبان جدا، ومخدتش ولا جنيه”.
وكانت النيابة العامة استمعت إلى أقوال النجم المصري، والذي أفاد في أقواله بأن المتهمين أوهموه بشراء شقته بعقود موثقة، وبعدما تم تحرير العقود هربوا دون دفع مبلغ البيع مليون و900 ألف جنيه.
